မိုးရွာနေတာပဲဖြစ်ဖြစ်၊ နေပြင်းနေတာပဲဖြစ်ဖြစ်
အကြော်ဖိုဟာ မီးခိုးငွေ့တလူလူနဲ့။
ဆီပူတွေဟပ်တဲ့အခါလည်း ဟပ်မယ်။
ဘာပဲဖြစ်ဖြစ် အကြော်ဝယ်စားချင်ရင်
နည်းနည်းဖြစ်ဖြစ်တော့ မီးဖိုကအပူ ကူးလာတာခံရနိုင်တယ်။
ကြက်သွန်ကြော်၊ ဘယာကြော်၊ ပဲကပ်ကြော်၊ မန်းလေးပဲကြော်၊ ငှက်ပျောကြော်၊ အာလူးကြော်၊ ဘူးသီးကြော် ...
ဘူးသီးကြော်
ဘူးသီးကြော်ဟာ တခြားအကြော်တွေထက် လူကြိုက်ပိုများတယ်။
ဒါကြောင့်မို့ ဘူးသီးကြော်ဝယ်တဲ့အခါ
တခြားအကြော်တွေထက် ပိုစောင့်ရနိုင်တယ်။
အကြော်ဒယ်အိုးထဲမှာ ဘူးသီးကြော်တွေကအဆက်မပြတ်သလို
နောက်ထပ်နောက်ထပ် လာဝယ်ကြသူတွေက ဘူးသီးကြော်ကိုသာ တွင်တွင်မေးတယ်။
ဆယ်ခု၊ ဆယ့်ငါးခု၊ အခုနှစ်ဆယ်။
ပူတာလေးထည့်ပေးပါ လို့ စကားအပို ပြောစရာမလိုအောင် ဘူးသီးကြော်တွေက အကြော်ဗန်းထဲကြာကြာမနေရဘူး။
ပဲကတ်ကြော်သုံးခု၊ ကြက်သွန်ကြော်လေးခု
ပြတ်တောင်းပြတ်တောင်း မေးဝယ်လာသူတွေရှိသေးပေတဲ့
သူတို့စကားသံရဲ့ အဆုံးမှာ ဘူးသီးကြော် ဘယ်လောက်စောင့်ရဦးမလဲ နဲ့
ပိတ်တယ်။
ဒီလိုနဲ့ ဘူးသီးကြော်ဆိုင်မှာ
ငါ ရပ်စောင့်နေခဲ့တာကြာပြီ။
ငါ မှာထားတဲ့ ဘူးသီးကြော်ငါးခုဟာ အခုကြော်နေဆဲအိုးထဲက ငါးခုလား၊
မုန်နှစ်ထဲစိမ်ထားဆဲ ဘူးသီးတွေထဲမှာလား
မုန့်နှစ်မစိမ်ရသေးတဲ့ ဘူးသီးတွေထဲမှာပဲရှိတုန်းလား၊
ဒါမှမဟုတ် မလှီးဖြတ်ထားရသေးတဲ့ ဘူးသီးအလုံးလိုက်ကြီးအဖြစ် ရှိတုန်းလား
မသေချာသေးပေမဲ့ အချိန်တန်ရင်
ဘူးသီးကြော်ငါးခု ငါရလိမ့်မယ်။
ငါဟာ ဘူးသီးကြော်လူ့အဖွဲ့အစည်းထဲမှာ ဘူးသီးကြော်ငါးခုစာ ငွေရှင်းထားပြီးဖြစ်တယ်။
နေမိုးဝေ
၂၆၊၄၊၂၀၁၅ ၁၇ :၅၃
No comments:
Post a Comment